Dita Botërore e Mjedisit

Në Ditën Botërore të Mjedisit, të rinj të qytetit të Shkodrës dhe organizatat joqeveritare të mjedisit zhvilluan një marshim nëpër rrugët kryesore të qytetit, në përpjekje për të sensibilizuar komunitetin dhe administratën vendore për më shumë vemendje ndaj mjedisit. Problemet mjedisore në rajonin e Shkodrës lidhen kryesisht me vendin e hedhjes së mbeturinave, derdhjen e ujrave të zeza në bregun e Lumit Buna si dhe ndotjen e Liqenit të Shkodrës.