Marrëveshja e stabilizim-asociimit

Në Kosovë, nesër pritet që zyrtarisht të fillojë procesi i negocimit të marrëveshjes për stabilizim asociim me Bashkimin Evropian. Vëzhguesit e pavarur thonë se procesi i negocimit të marrëveshjes për stabilizim asociimin me Bashkimin Evropian është shumë i rëndësishëm për reformimin e institucioneve të vendit. Ata thonë se një nga sfidat kryesore në këtë proces mbetet përmbushja e disa çështjeve me përparësi lidhur me sundimin e ligjit dhe luftën kundër krimit të organizuar dhe korrupsionit.