Zgjedhjet në Mitrovicë
Në Kosovë autoritetet e sigurisë thanë se kanë bashkërenduar veprimet për të siguruar një mjedis të qetë në veriun e Mitrovicës të banuar me shumicë serbe, ku nesër mbahen zgjedhjet për kryetarin e komunës. Rivotimet pasojnë refuzimin e kryetarit të zgjedhur në votimet e dhjetorit të vitit të kaluar për të marrë detyrën në pajtim me ligjet e Kosovës. Përfshirja e komunave veriore të Kosovës në zgjedhjet komunale u bë e mundur me marrëveshjen e arritur ndërmjet Kosovës dhe Serbisë për normalizimin e marrëdhënieve ndërmjet tyre.