Në Tiranë gjykata mbajti sot në arrest personin e 10-të të dyshuar për vjedhjen e një sasie të konsiderueshme parash nga Banka e Shqipërisë. Prokuroria po heton se si janë abuzuar për afro 4 vjet rreth 7 milionë dollarë në një departament të Bankës, që duhej t'i ruante ato. Shoqëria civile po vazhdon protestat, ndërsa ekspertët pohojnë se ngjarja është shumë e rëndë, por nuk ka vend për panik. Profesorë të universitetit të Tiranës i hedhin një vështrim edhe situatës ekonomike të vendit në gjysmën e parë të vitit.