Grupi Ballkanik për Politika u bëri thirrje sot përfaqësuesve serb të Kosovës që të sillen si përfaqësues të komunitetit të tyre e jo si përfaqësues të Beogradit. Gjatë publikimit të një raporti lidhur me integrimin e serbëve në Kosovë pas marrëveshjes për normalizimin e marrëdhënieve ndërmjet Kosovës dhe Serbisë, ata bënë thirrje për zbatimin e marrëveshjeve që do të krijonin kushte për sukses në integrimin e serbëve në shoqërinë e Kosovës.
