Në rrethinat e qytetit të Shkodrës jeton një komunitet i madh rom, që ka ngritur katër qendra banimi, me baraka llamarine e tenda plastmasi. Të parregjistruar, pa punë e ndihmë sociale, ata jetojnë në kushte tejet të rënda dhe pa vemendjen e strukturave vendore. Vetëm disa shoqata joqeveritare kujdesen, herë pas here, përmes disa programeve nga të cilat përfiton vetëm një pjesë e vogël e këtij komuniteti.