Në Kosovë, përfaqësues të familjarëve të personave të zhdukur dhe komisionit qeveritar për këtë çështje, thanë se kanë kërkuar nga zyrtarët e Beogradit gërmime në një varrezë të dyshuar masive në rajonin e Novi Pazarit në Serbinë jugperëndimore. Ata theksuan të hënën se bisedimet për çështjen e të zhdukurve duhet të ngrihen në nivel politik, meqë çështjet politike janë edhe pengesa kryesore në këtë proces. Nga Prishtina njofton korrespondenti ynë, Leonat Shehu.