Grupet punuese të Prishtinës dhe Beogradit po përgatisin vazhdimin e bisedimeve për normalizimin e marrëdhënieve Kosovë – Serbi që do të mbahet të hënën. Bisedimet e nesërme pasojnë ato të javës së kaluar të cilat përfunduan pa asnjë marrëveshje për temat kryesore që ishin shtruar në tryezë. Diplomatët perëndimorë thonë se vazhdimi i bisedimeve mund të jetë me rëndësi vendimtare për përparimin e të dyja palëve drejt integrimeve evropiane dhe posaçërisht për Serbinë e cila pret hapjen e kapitujve të negociatave për anëtarësim në Bashkimin Evropian. Nga Prishtina njofton korrespodenti ynë, Leonat Shehu..