Në Kosovë, kryeministri Isa Mustafa u bëri thirrje partive opozitare që të debatojnë në parlament dhe të heqin dorë nga bllokimi i punës së tij. Ai tha se nuk pranon ultimatum nga opozita për tërheqjen e marrëveshjeve me Serbinë dhe Malin e Zi. Opozita thotë ndërkaq se nuk do të debatojnë me qeverinë pa rishqyrtimin e marrëveshjeve të arritura. Që nga 22 shtatori opozita në Kosovë ka pamundësuar me mjete të ndryshme mbajtjen e seancave të parlamentit, për shkak të këtyre marrëveshjeve. Nga Prishtina njofton korrespodenti ynë, Leonat Shehu.