Policia gjermane hoqi një alarm për terrorizëm në qytetin bavarian, Mynih, disa orë pasi evakuoi dy stacione treni dje ndërsa afrohej ndërrimi i viteve, nën kërcënimet për sulm vetvrasës me bombë.
Shefi i policisë së Mynihut u tha gazetarëve dje se organet e rendit kishin marrë masa pas disa informatave konkrete për planifikim sulmesh vetvrasëse në stacionet e trenit. Ministri i Brendëshëm i Bavarisë tha se një shërbim inteligjent i huaj i kishte lajmëruar se disa milintatë të Shtetit Islamik po planifikonin sulme. Megjithë masat e sigurisë, mijëra njerëz festuan pa incidente ardhjen e Vitit të Ri në Mynih.