Në një intervistë për Zërin e Amerikës, Drejtori i Autoritetit Rrugor në Shqipëri, Dashamir Xhika, thotë se për shkak të paralajmërimeve për përkeqesim të mëtejshëm të motit, kompanitë e mirëmbajtjes së rrugëve janë paralajmëruar sot për t’i mbajtur ato në gatishmëri. Sipas tij, dëmet e shkaktuara ditët e fundit në rrugët kombëtare përllogariten paraprakisht në 7-8 milion dollarë. Zoti Xhika tha se përveç shkaqeve natyrore, vjetërsisë dhe cilësisë së dobët, një nga arsyet e dëmtimit të akseve rrugore është edhe kostoja e ulët e mirëmbajtjes së tyre.
Me zotin Xhika bisedoi korrespondnenti i Zërit të Amerikës, Pëllumb Sulo.