Në Kosovë gjatë këtij muaji pritet të qëndrojë një Mision faktmbledhës i Komisionit Evropian për vlerësimin e përmbushjes së kritereve që dalin nga udhërrëfyesi për liberalizimin e vizave. Autoritetet thanë të premten se kanë përmbushur të gjitha kriteret e kërkuara, ndërsa paralajmëruan shqyrtimin nga ekspertë ndërkombëtar edhe të çështjes së shënimit të kufirit me Malin e Zi, i cili është një nga kriteret e kërkuara, që ka nxitur ndërkaq partitë opozitare të bllokojnë punën e parlamentit. Nga Prishtina njofton korrespondenti ynë, Leonat Shehu.