Lidhje

Mësimi i arabishtes, një urë mes kulturave


Për amerikanët nuk është e detyrueshme që të mësojnë gjuhë të huaja. Ndërsa nxënësit e shkollave në vende të tjera shpesh mësojnë të paktën një gjuhë të huaj, që është pjesë e programit mësimor, fëmijët në Shtetet e Bashkuara mund të mos e kenë këtë mundësi. Kjo varet nga kërkesat e shkollave. Programi “Mësuesit e gjuhëve kritike” synon ta ndryshojë këtë prirje.

“Kyçi magjik për t’u mësuar fëmijëve një gjuhë të huaj është kultura e atij vendi”. Tamer Elsharkawy është mësues.

“Është më e lehtë për mësuesit dhe për fëmijët, në se përpiqesh ta lidhësh mësimin me diçka autentike të vendit ku flitet kjo gjuhë.”- thotë Tamer.

Ai ka ardhur në Uashington për programin e Departamentit të Shtetit “Mësuesit e gjuhëve kritike”, që sjell në Shtetet e Bashkuara arsimtarë nga Egjipti dhe Kina për t’u mësuar nxënësve amerikanë gjuhën dhe kulturën e këtyre vendeve.

“Disa prindër më drejtohen mua, sepse ata duan të dinë se si të flasin me fëmijët e tyre këtu lidhur me tema si Islamofobia për shembull. Ata nuk janë myslimanë, por duan t’u mësojnë fëmijëve njohuri të sakta për këtë temë. Në fakt kjo është pjesë e punsë sonë.” – thotë Tamer.

Shumë prej këtyre fëmijëve janë folës së spanjishtes. Ata e mësojnë anglishten si gjuhë të dytë. Tani po mësojnë edhe arabisht.

“Unë besoj në faktin që nxënësit të kenë një edukim global dhe një këndvështrim ndërkombëtar të botës.”

Flora Lerenman u jep mësim anglisht nxënësve që nuk e kanë atë gjuhë të dytë. Ajo e regjistroi shkollën “Cooke Elementary” në programin “Mësuesit e gjuhëve kritike”.

“Kur nxënësit mësojnë shumë gjuhë, ata i mësojnë shumë më shpejt ato.”

…Dhe sikurse ndodh në edukimin kulturor, të dyja palët mësojnë nga njëra tjetra.

“Unë fillova ta ndryshoj në pozitiv mendimin tim për amerikanët. Nukmarr më informacione nga media, që thonë “amerikanët i urrejnë arabët, myslimanët”, apogjëra të kësaj natyre.

Tamer thotë është duke mësuar shumë vetëm nga të qënit në Uashington.

“Unë mendoj se Uashingtoni është vendi më fantastik për cilindo, i kujtdo konmbësie qoftë. Është eksperienca më e shkëlqyer që munn të ketë dikush në Shtetet e Bashkuara.”- thotë ai.

“Këtu ka një shumëllojshmëri ngjyrash, fesh, njerëzish dhe kulturash.”

Tamer Elsharkawy thotë se ai e di se fëmijët mund të mos i mbajnë mend të gjitha fjalët arabisht që kanë mësuar në klasë. Ata mundet t’ia harrojnë atij edhe emrin, por ndoshta kanë për të mbajtur mend gjithmonë se dikur patën një mësues që u pëlqente dhe e respektonin. Ndoshta kanë për të mbajtur mend që ky mësues ishte arab, dhe ndoshta edhe se ai ishte mysliman.

XS
SM
MD
LG