Kryetari i Komitet Olimpik rus Alexandër Zhukov tha dje se do të largohet nga posti i tij për t’u përqëndruar në detyrën si zëvendës kryetar i dhomës së ulët të parlamentit rus.
Në 6 vitet e shkuara zoti Zhukov ka shërbyer si një prej zyrtarëve më të rëndësishëm të komitetit olimpik. Dorëheqja e tij vjen pas skandalit të dopingut që çoi në përjashtimin e skuadrës ruse të atletikes nga Lojrat Olimpike të Rios.
Vendimi u mor prej Agjensisë Botërore të Anti-Dopingut, pas një hetimi të pavarur që nxorri fakte të përdorimit të gjerë të substancave të ndaluara nga atletët ruse. Nga gara u përjashtua gjithashtu dhe skuadra paraolipike ruse. Presidenti rus Vladimir Putin vlerësoi punën e zotit Zhukov por nuk e permendi skandalin e dopingut. Rusia ka mohuar egzistencen e nje programi dopingu te sponsorizuar nga qeveria duke e cilësuar perjashtimin të motivuar politikisht.