Lidhje

Merkel dëshiron të ndalojë veshjen burka


Kancelarja gjermane Angela Merkel tha të martën se burka, veshja myslimane që i mbulon plotësisht gratë, duhet të ndalohet, si mënyrë për të mos lejuar krijimin e shoqërive paralele në Gjermani.

Zonja Merkel, e sapo rizgjedhur si kryetare e partisë së saj Kristian Demokrate (CDU), tha në konferencën vjetore të partisë se burka duhet të ndalohet, kudo që kjo të jetë ligjërisht e mundur, duke përfshirë shkollat, gjykatat dhe ndërtesa të tjera publike.

"Në komunikimin mes njerëzve, që është diçka thelbësore për të jetuar së bashku, ne duhet ta tregojmë fytyrën," tha ajo.

Është e paqartë nëse kushtetuta gjermane do të lejonte ndalimin e burkës, por Kancelarja Merkel theksoi rëndësinë e integrimit të porsaardhurve, dhe kjo përfshin moslejimin e mbulimit të plotë të fytyrës.

Komentet e zonjës Merkel vijnë pas rënies së miratimit të saj në publik për shkak të vendimit për të pranuar rreth një milion refugjatë në Gjermani gjatë krizës së emigrantëve në Evropë.

XS
SM
MD
LG