Kryeministri i Kosovës, Isa Mustafa, tha të mërkurën se përfaqësuesit politikë të serbëve të Kosovës duhet të përfaqësojnë interesat e qytetarëve të saj por jo interesat e Beogradit. Komentet e tij pasuan vendimin e deputetëve dhe ministrave serbë për të pezulluar pjesëmarrjen në institucionet e Kosovës, dy ditë pas një takimi të tyre me kryeministrin e Serbisë Aleksandër Vuçiç. Nga Prishtina njofton korrespondentja jonë Edlira Bllaca.