Ministrat e brendshëm të Gjermanisë dhe Italisë po i kërkojnë Bashkimit Europian krijimin e një misioni në kufirin e Libisë me Nigerinë, në përpjekje për t’i ndalur imigrantët, kryesisht afrikanë, të hyjnë në Europë.
Në një letër dërguar Komisionit Europian, ministrat thonë se përpjekjet e deritanishme ndërkombëtare për të kufizuar hyrjen e imigrantëve në Europë, janë provuar se janë të pamjaftueshme.
Sipas Kombeve të Bashkuara, më tepër se 43,000 imigrantë, shumica nga Afrika Nën-Sahariane, kanë mbërritur këtë vit në brigjet europiane nga Libia dhe se në muajt e pranverës dhe të verës, pritet që numri i tyre të rritet ndjeshëm.
Rreth 1,200 imigrantë kanë vdekur gjatë përpjekjeve për të kaluar Detin Mesdhe drejt Evropës.
Facebook Forum