Lidhje

Festa e Krishtlindjes në Ballkan


Mijëra besimtarë të krishterë festuan sot Krishtlindjen, një nga ditët më të rëndësishme të fesë së tyre. Ata u mblodhën në mesnatë dhe herët në mëngjes pranë kishave e katedraleve për të uruar njëri - tjetrin.

Edhe në,Shkodër, në Katedralen e Shën Shtjefnit, u mbajt mesha tradicionale e krishtlindjeve, ku meshtarët katolikë përcollën mesazhe paqeje dhe solidariteti me njerëzit e varfër dhe në nevoje. Shkodra është qyteti ku, në nëtor të vitit 1990, u mbajt mesha e parë në Shqipëri pas një periudhe të gjatë të persekutimit komunist ndaj klerit dhe besimeve fetare.

Në Kosovë, po kremtohen Krishtlindjet me urimet për mbarësi, paqe e mirëkuptim ndërmjet njerëzve. Përfaqësues fetar e politikë kanë përgëzuar besimtarët katolik ndërsa mesha kryesore është mbajtur në katedralen Nënë Tereza në Prishtinë.

Festa e shenjtë e Krishtlindjes u festua nëpër të gjitha zonat ku jetojnë shqiptarët në Mal të Zi. Duke u lutur për paqe dhe qetësi, dashuri dhe gëzim, besimtarët kanë kryer ritet fetare në një atmosferë të bukur dhe tejet festive.

Facebook Forum

XS
SM
MD
LG