Një klerik katolik, më i larti në hierarkinë e kishës i dënuar ndonjëherë për fshehje të abuzimeve seksuale me fëmijët, u dënua të martën me 12 muaj arrest nga një gjykatë australiane.
Muajin e ardhshëm gjykatësi i Njukastellit do të përcaktojnë nëse kryepeshkopi Philip Wilson do ta kalojë periudhën e dënimit në burg apo nën arrest shtëpiak.
Gjyqtari ka thënë se Wilson mund të ketë të drejtë të lirohet me kusht pasi të ketë shërbyer gjashtë muaj nga dënimi. Ai u gjet fajtor në maj për fshehje të abuzimeve seksuale të një prifti në vitet 1970.
Prifti, në qendër të kësaj çështjeje, James Fletcher, vdiq në burg në vitin 2006, pasi u shpall fajtor për abuzim seksual me fëmijët në New South Wales.
Facebook Forum