Kryeministri i Izraelit Benjamin Netanjahu, i cili përballet me tre hetime lidhur me dyshime për korrupsion, u pyet sot përsëri nga policia mbi një çështje që përfshin kompaninë më të madhe izraelite të telekomit.
Autoritetet kanë ngritur akuza se zoti Netanjahu ka favorizuar me klauzola rregullatore kompaninë Bezeq Telecom Izrael në këmbim të raportimeve në favor të tij dhe gruas së tij në një faqe interneti lajmesh në pronësi të kompanisë.
Kryeministri Netanjahu, kompania Bezeq dhe pronari i saj mohojnë se kanë bërë ndonjë vepër të paligjshme.
Zoti Netanjahu është marrë në pyetje edhe më parë për këtë çështje dhe deri tani policia nuk ka bërë asnjë rekomandim për të ngritur zyrtarisht ndonjë akuzë.
Facebook Forum