Lidhje

Policia franceze arreston dy protestuese gjysmë lakuriq


French police officers apprehend a topless protestor who ran toward the motorcade of President Donald Trump who was headed on the Champs Elysees to an Armistice Day Centennial Commemoration at the Arc de Triomphe, Nov. 11, 2018, in Paris.

Policia franceze arrestoi dy protestuese femra gjysmë lakuriq të dielën në Champs-Elysees, ku Franca po zhvillonte një ceremoni që shënonte 100 vjetorin e përfundimit të Luftës së Parë Botërore.

Një nga gratë u arrestua vetëm disa metra larg autokolonës së Presidentit amerikan Donald Trump ndërsa po i afrohej vendit të ceremonive. Ajo kishte shkuar fjalët "Paqebërës të Rremë" mbi gjoksin e saj.

Femen, grupi radikal feminist me seli në Paris, duket se mori përgjegjësinë për protestën.

Udhëheqësja e grupit, Inna Shevçenko shkroi në Twitter: "Aktivistet e FEMEN-it e përshëndetën" kortezhin e @realDonaldTrump dy herë në rrugën e tij drejt Arkut të Triumfit".

Incidenti ka të ngjarë të ngrejë pikëpyetje në lidhje me mungesën e sigurisë në ceremoni.

Shumica e liderëve botërorë që morën pjesë në ceremoninë e Ditës së Armëpushimit në Paris u çuan në vendngjarje me autobusë.

Presidenti Trump dhe presidenti rus Vladimir Putin nuk zgjodhën të hipnin në autobusë. Shtëpia e Bardhë thotë se mbërritja e presidentit Trump u diktua nga "protokollet e sigurisë".

Facebook Forum

XS
SM
MD
LG