Në Siri, në rajonin lindor Deir el-Zour, i fundit nën kontrollin e Shtetit Islamik, të dielën dhe të hënën në mëngjes janë parë duke u larguar civilë.
Sipas aktivistëve, Luftëtarët e Forcave Demokratike Siriane të udhëhequra nga kurdët dhe që kanë mbështetjen amerikane, rimorën të hënën kontrollin e rajoneve lindore, që më parë mbaheshin nga grupi Shteti Islamik.
Civilët që jetonin atje u çuan në një kamp të menaxhuar nga Forcat Demokratike Siriane.
Grupi Vëzhguesi Sirian për të Drejtat e Njeritu me seli në Britani, tha se ISIS tani kontrollon vetëm dy fshatra brenda rajonit që ata kontrollojnë pranë kufirit irakian.
Xhepi i fundit i ISIS-it në Sirinë lindore ndodhet përgjatë kufirit me Irakun dhe në brigjet lindore të Lumit Eufrat.
Koalicioni me udhëheqjen amerikane dhe aleatët e tyre lokalë, Forcat Demokratike Siriane filluan një ofensivë në shtator, që synonte dëbimin e militantëve nga rajoni.
Atje strehoheshin rreth 15 mijë njerëz, në mesin e tyre luftëtarë të ISIS-it dhe familjarë të tyre.
Që nga filimi i luftimeve rreth katër muaj më parë, nga ajo zonë janë larguar më tepër se 10 mijë civilë.
Facebook Forum