Lidhje

Gjykata e Lartë mbi transgjinorët në ushtri


Në Shtetet e Bashkuara, Gjykata e Lartë vendosi për ta lejuar administratën Trump të vazhdojë me zbatimin e planit për kufizimin e shërbimit ushtarak për transgjinorët, ndërsa sfida në gjykata vazhdon.

Gjykata e lartë votoi me 5 vota pro nga anëtarët konservatorë dhe 4 vota kundër nga anëtarët liberalë, për planin e Presidentit.

Administrata Trump i kërkoi Gjykatës së Lartë ta fillojë shqyrtimin e planit menjëherë, por gjykata nuk pranoi ta bëjë këtë tani për tani. Rastet që lidhen me këtë çështje do të vazhdojnë të trajtohen fillimisht nga gjykatat e shkallës së parë.

Deri pak vjet më parë, anëtarë të shërbimit ushtarak liroheshin nga shërbimi ushtarak, në se ishin transgjinorë. Kjo politikë ndryshoi kur President ishte Barack Obama. Ushtria mori vendimin në vitin 2016, që personat transgjinorë të lejoheshin të shërbenin në ushtri.

Facebook Forum

XS
SM
MD
LG