Një anije luksoze me rreth 1.400 pasagjerë në bord, përfshirë dhe ekuipazhin, mbërriti në një port të Norvegjisë të dielën pasi i shpëtoi një katastrofe kur motorët e saj nuk po punonin më për shkak të një stuhie.
Kryqi i Kuq norvegjez njoftoi për rreth 20 persona të plagosur. Ata kishin pësuar dëmtimeve serioze në kocka dhe të çara në trup.
Përpara se anija të mbërrinte në port, punonjësit e emergjencës evakuuan nga ajri 479 persona.
Kapiteni i anijes "Viking Sky" lëshoi një alarm për ndihmë të shtunën pasdite.
Agjencia e lajmeve “Associated Press” njoftoi se evakuimi u bë "në rrethana jashtëzakonisht të vështira" në kushtet e një erë me një shpejtësi deri në 70 kilometra në orë dhe me lartësi dallgësh mbi 8 metra.
"Kisha frikë! Nuk kam përjetuar kurrë një gjë kaq të frikshme", tha Janet Jacob, një nga udhëtarët e parë që u evakuua, për transmetuesit norvegjez NRK.
Shumica e pasagjerëve në anije ishin shtetas amerikanë dhe britanikë.
Facebook Forum