Autoritetet spanjolle kërkuan ekstradimin nga Shtetet e Bashkuara të 10 personave, të cilët kanë hyrë me forcë në ambasadën e Koresë së Veriut në Madrid muajin e kaluar, në përpjekje, sipas tyre për t’ia dhënë informacionin e vjedhur, FBI-së.
Të dyshuarit vetëquhen Mbrojtja Civile Cheollima dhe e përshkruajnë veten si një lëvizje për të drejtat e njeriut që punon për të çliruar Korenë e Veriut. Në faqen e saj të internetit, organizata tha se veprimi i saj në Madrid ishte përgjigje ndaj një "situate urgjente".
Një gjyqtar spanjoll beson se dhjetë të dyshuarit udhëtuan drejt Shteteve të Bashkuara pas sulmit të 22 shkurtit. Hong Chang, i cili dyshohet se udhëhoqi grupit që kreu bastisjen në ambasadë, dyshohet gjithashtu se u përpoq t’ia japë materialin e vjedhur FBI-së pas mbërritjes në SHBA.
Origjina e grupit mbetet mister. Grupi tha se çfarëdolloj informacion që është mbledhur, ia ka dorëzuar Byrosë Federale të Hetimeve.
"Ky informacion iu dha me kërkesën e tyre", thuhet në deklaratën grupit.
Ndërkohë, një deklaratë e FBI as konfirmoi as mohoi ekzistencën e një hetimi për këtë çështje, por vinte në dukje se FBI-ja ka marrëdhënie të mira pune me strukturat ligjzbatuese spanjolle.
Në një reagim të martën zëdhënësi i Departmentit të Shtetit Robert Paladino tha se “qeveria amerikane nuk ka të bëjë fare me këtë çështje".
Zoti Paladino u tha gazetarëve që t’u drejtoheshin autoriteteve spanjolle për të dhënat më të fundit rreth hetimit.
Facebook Forum