Lidhje

Shqipëri, rikthehen kundërshtitë për bashkitë


Në Shqipëri, kundërshtitë e forta që shoqëruan zgjedhjet vendore janë rikthyer tani, në ato bashki ku këto vite ka drejtuar opozita

Në Devoll mbështetës të opozitës si dhe ish kryebashkiaku demokrat Bledion Nallbati, u mblodhën sot para godinës së Bashkisë, ku fituesi i zgjedhjeve të 30 qershorit, socialisti Eduard Duro pati hyrë në zyrë që të premten e shkuar, në kohën kur godina ishte e boshatisur.

Sot në ditën e parë të punës, ai thirri për ndihmë policinë, pas njoftimeve të opozitës për protesta.

Demokrati Nallbati tha se ai ishte drejtuesi legjitim i Bashkisë e cila sipas tij ishte uzurpuar. Opozita nuk mori pjesë në zgjedhje dhe nuk i njeh ato.

Ndërkohë që nga zyra e re, socialisti Duro, i bëri thirrje punonjësve të administratës së Bashkisë që të paraqiteshin në punë.

Për situatën e krijuar kryetari demokrat Lulzim Basha u shpreh me tone të ashpra se rregjimi kriminal dhe plaçkitës, sipas tij, po hyn në rrugën e verbër të përplasjes me popullin e tij, theksoi zoti Basha në një postim në Facebook.

Facebook Forum

XS
SM
MD
LG