Lidhje

Protesta të dhunshme në Hong Kong


Shefja ekzekutive e Hong Kong-ut Carrie Lam tha se protestuesit që e zhytën në kaos trafikun e ngarkuar të mëngjesit, duke ngritur barrikada në rrugë dhe në shinat e metrosë, u treguan "jashtëzakonisht egoistë".

E marta në këtë territor kinez ishte një tjetër ditë protestash të dhunshme dhe trazirash të cilat më parë kufizoheshin vetëm gjatë fundjavave. Dhjetra udhëtarë që shkonin në punë me tren u detyruan të dilnin nga vagonët, kur treni ndaloi ende pa arritur në stacion.

Trazirat u përhapën të martën edhe në kampuset e kolegjeve të Hong Kongut. Policia përdori gazin lotësjellës ndaj protestuesve që kishin ngritur barrikada në rrugë në dy universitete.

Tensionet në Hong Kong janë shkallëzuar sidomos pas ngjarjes së ditës së hënë, kur një polic qëlloi me armë zjarri një protestues 21-vjeçar ndërsa po përpiqej të arrestonte një tjetër. Autoritetet e spitalit të qytetit thanë se protestuesi është në gjendje kritike.

Facebook Forum

XS
SM
MD
LG