Lidhje

Spanjë, gjykata refuzon të njohë separatistin katalas si eurodeputet


Gjykata e Lartë spanjolle refuzoi t’i njohë të enjten statusin e deputetit të Parlamentit Evropian Oriol Junqueras, një nga udhëheqësit e lëvizjes separatiste në Katalonjë, i cili prej muajit tetor ndodhet në burg lidhur me një përpjekje të dështuar për pavarësi të rajonit në vitin 2017.

Gjykata tha se nuk do të lejonte lirimin e përkohshëm të tij nga burgu për të marrë letrat kredenciale si anëtar i Parlamentin Evropian, duke refuzuar kështu një vendim të muajit dhjetor të Gjykatës Evropiane të Drejtësisë.

Zoti Junqueras fitoi një vend në Parlamentin Evropian në zgjedhjet e muajit maj, pavarësisht se ndodhej në paraburgim i akuzuar mbi rolin e tij në një referendum për pavarësinë e Katalonjës të shpallur nga autoritetet spanjolle si i paligjshëm.

Ai nuk u lejua të dalë nga burgu në qershor për të marrë pjesë në ceremoninë e betimit si deputet në Bruksel, gjë që e detyroi zotin Junqueras ta apelojë çështjen.

Muajin e kaluar në një vendim të Gjykatës Evropiane të Drejtësisë thuhej se Spanja duhej ta kishte lejuar zotin Junqueras të merrte letrat kredenciale, duke thënë se edhe eurodeputetët e burgosur përfitojnë nga imuniteti parlamentar.

Mbështetësit e pavarësisë së Katalonjës e përshëndetën vendimin si fitore.

Por si përgjigje ndaj vendimit të Gjykatës Evropiane të Drejtësisë, Gjykata e Lartë spanjolle vendosi kundër lirimit të zotit Junqueras, çka nënkupton pezullimin e statusit të tij si anëtar i Parlamentar Evropian.

Gjykata beri të ditur se ia kishte komunikuar vendimin Parlamentin Evropian, si dhe Komisionit Qendror të Zgjedhjeve në Spanjë.

Facebook Forum

XS
SM
MD
LG