Lidhje

Shqipëri, zgjaten pa afat masat shtrënguese kundër koronavirusit


Në Shqipëri, autoritetet ahtetërore zgjatën pa afat të gjitha masat shtrënguese, që janë në fuqi për t’u mbrojtur ndaj virusit COVID-19. Shkollat, restorantet dhe gjithë mjediset publike do të mbahen të mbyllura, ndërsa oraret e lëvizjes jashtë banesave do të jenë të kufizuara deri në një sinjal tjetër nga specialistët për tolerime në të ardhmen.

Drejtuesit e shëndetësisë publike njoftuan sot vdekjen e 16-të nga COVID-19, një 78-vjeçari nga Durrësi. Ai ishte në gjendje të rëndë prej 3 ditësh dhe nuk arriti të mbijetojë, megjithë përpjekjet e mjekëve. Instituti i Shëndetit Publik bëri të ditur se ka zbuluar 18 raste të reja me COVID-19, nga 96 testet e 24 orëve të fundit.

Deri tani janë kryer mbi 1 mijë e 900 teste dhe janë zbuluar 277 persona të prekur me COVID-19. Midis tyre janë edhe 8 fëmijë. Numri i të shëruarve është 76 vetë.

Qyteti më i prekur nga COVID-19, midis 17 qendrave të banuara, është Tirana me afro gjysmën e të prekurve në shkallë vendi. Pas kryeqytetit, ndër qytetet më shumë të prekura vijnë Durrësi, Fieri, Korça dhe Shkodra.

Facebook Forum

XS
SM
MD
LG