Forcat e sigurisë së Mianmarit hapën zjarr gjatë një funerali të dielën në Rangun, një ditë pasi më shumë se 100 njerëz u vranë gjatë protestave kundër grushtit ushtarak të shtetit.
Pjesëmarrësit në funeralin e një studenti 20-vjeçar në Rangun thanë se u detyruan të largoheshin pasi u qëlluan.
Asnjë viktimë nuk u raportua nga ky incident.
Sipas njoftimeve të lajmeve dhe dëshmitarëve, të paktën gjashtë fëmijë mes moshës 10 dhe 16 vjeç ishin mes viktimave që u vranë të shtunën.
Disa orë më vonë, Presidenti Joe Biden dënoi veprimet e ushtrisë.
"Është e tmerrshme, është absolutisht e papranueshme. Një numër i madh njerëzish janë vrarë pa qënë e panevojshme," tha ai.
Raportuesi Special i OKB-së për Mianmarin tha se ushtria po kryente 'vrasje masive'.
Ai bëri thirrje për një izolim të juntës, duke ndërprerë fondet e saj për naftë dhe gaz, si dhe ndalimin e ushtrisë për të patur qasje tek armët.
Diplomati i lartë i BE-së Josep Borrell u bëri thirrje gjeneralëve të Mianmarit të qëndrojnë larg nga ajo që ai tha se ishte një 'rrugë e pakuptimtë' e dhunës kundër njerëzve të tyre.
Junta ushtarake e Mianmarit mori pushtetin më 1 shkurt, ndërsa udhëheqësja e zgjedhur Aung San Suu Kyi mbetet në paraburgim në një vend të paditur.
Kritikat dhe sanksionet e vendosura nga disa vende perëndimore kanë dështuar deri më tani të ndikojnë udhëheqësit ushtarakë.
Qindra njerëz kanë vdekur në protestat e vazhdueshme që nga fillimi i grushtit të shtetit.
Facebook Forum