Lidhje

Rupel sugjeron politika gjithëpërfshirëse në Kosovë


Kreu i Organizatës për Sigurimin dhe Bashkëpunimin në Evropë tha se integrimi i pakicave në Kosovë është i panegociueshëm dhe i bëri thirrje qeverisë të zbatojë politika gjithëpërfshirëse.

Ministri i jashtëm slloven Dimitrij Rupel, kryesues i radhës së organizatës, i bëri këto komente sot në Prishtinë. Zoti Rupel u takua me presidentin e Kosovës Ibrahim Rugova dhe zyrtarë të tjerë të lartë.

Zoti Rupel tha se forcat politike kosovare duhet të punojnë së bashku për të ndihmuar në ndërtimin e asaj që ai e quajti e ardhmja evropiane për një Kosovë shumë etnike.

Organizatat ndërkombëtare u kanë bërë thirrje serbëve të Kosovës dhe pakicave të tjera etnike të marrin pjesë në jetën politike të vendit.

Megjithatë serbët i bojkotuan në shkallë të gjerë zgjedhjet parlamentare të vitit të kaluar duke thënë se policia dhe paqeruajtësit ndërkombëtarë nuk arritën ti mbronin ata gjatë trazirave të marsit 2004.

XS
SM
MD
LG