Zyrtarët irakianë thonë se të paktën 15 persona u vranë dhe dhjetra u plagosën sot në dy sulme të bashkërenduara vetëvrasëse me makina bomba në Bagdad.
Përgjegjësinë për shpërthimet në një rrugë shumë të frekuentuar para Ministrisë së Rendit e mori grupi terrorist i al-Kaidës në Irak, kryesuar nga terroristi i kërkuar Abu Musab al-Zarqawi.
Në veri, në Tikrit, ushtria amerikane tha se një makinë bombë shpërtheu pranë një baze ushtarake, duke shkaktuar plagosjen e një ushtari të koalicionit dhe dy ushtarëve irakianë.
Ushtria amerikane tha se nuk pati viktima mes civilëve, por policia vendore tha se 9 civilë u plagosën.
Ndërkohë nuk ka patur njoftime të reja për fatin e një kontraktori amerikan që u rrëmbye të hënën në Irak dhe u shfaq në një video të transmetuar dje nga televizioni al-Jazeera.