Gjykata e Kombeve të Bashkuara për krimet e luftës miratoi lirimin me kusht të ish shefit të shtabit të Ushtrisë jugosllave, gjeneral Momcilo Perisiçit.
Gjenerali nuk i pranoi 13 akuzat e ngritura në muajin mars kundër tij për krime lufte dhe krime kundër njerëzimit. Ato përfshijnë akuzat se trupat nën komandën e tij sulmuan Zagrebin, kryeqytetin e Kroacisë dhe kryen akte mizore gjatë konfliktit boshnjak.
Akuzat përfshijnë masakrimin e më shumë se 7 mijë burrave dhe djemve myslimanë nga forcat sërbe, pas marrjes nën kontroll të Srebrenicës në vitin 1995. Gjeneral Perisici iu dorëzua Gjykatës së Hagës në fillim të këtij viti.