Autoritetet saudite thonë se 345 pelegrinë myslimanë humbën jetën si pasojë e shypjes nga turma pranë Mekës në ditën e fundit të haxhillëkut.
Ministria e Brendshme thotë se pelegrinët vdiqën tek ura e Xhamaratit, ku dhjetra mijëra njerëz u mblodhën për të hedhur gurë ndaj tri shtyllave që simbolizojnë djallin. Zyrtarët thonë se të paktën 250 të tjerë u plagosën.
Ata thanë se disa njerëz u rrëzuan kur u penguan nga disa bagazhe të pelegrinëve.
Edhe në vite të mëparshme gjatë ritualit të hedhjes së gurëve kanë ndodhur dyndje vdekjeprurëse, përfshirë një që shkaktoi vdekjen e 240 pelegrinëve para dy vjetësh.