Ministri i Jashtëm i Spanjës dëshmoi se avionë të CIA-s, të cilët transportonin të dyshuar për veprimtari terroriste për në burgje sekrete në Evropë, kanë bërë ndalesa në territor spanjoll.
Por ministri Migel Anhel Moratinos i tha një komisioni të Parlamentit Evropian se nuk janë kryer shkelje të ligjit spanjoll, gjatë mandatit të qeverisë ku bën pjesë ai.
Zoti Moratinos ishte i pari ministër evropian që dëshmon për objekte sekrete burgimi para komisionit në Bruksel. Presidenti Bush pohoi për herë të parë javën e kaluar ekzistencën e objekteve të interrogimit.
Presidenti nuk i identifikoi objektet. Por hetimet e Parlamentit Evropian janë përqëndruar në akuzat se afro 14 objekte të tilla kanë operuar në Evropën lindore.