Zyrtarët irakianë thanë se forcat amerikane kanë kapur pesë persona gjatë një sulmi në konsullatën iraniane në qytetin verior të Irbilit.
Ushtria amerikane e konfirmoi aksionin e sotëm në Irbil por thotë se ndërtesa e vënë në shënjestër nuk ishte konsullatë, ose zyrë qeverie. Ushtria thotë se gjashtë të dyshuar u kapën në operacion. Një zëdhënës i Pentagonit thotë se të ndaluarit dyshohet se kanë kanë pasur rol në vrasjen e qytetarëve irakianë dhe trupave të koalicionit. Ai nuk e bëri të ditue se nga ishin gjashtë të dyshuarit.
Një zyrtar i Ministrisë së Jashtme të Iranit citohet në median iraniane ta ketë dënuar incidentin dhe të ketë thënë se sulmi ishte kundër normave diplomatike.
Shtetet e Bashkuara e akuzojnë Iranin se mbështet materialisht kryengritësit dhe lejon terroristët të përdorin territorin iranian për të kaluar në Irak.//rd//