Zyrtarët irakianë thanë se një makinë bombë në një treg të ngarkuar në Bagdatin verior ka vrarë tre persona. Autoritetet thanë se shpërthimi i sotëm ndodhi në një lagje me shumicë shiite.
Në akte të tjera dhune sot një bombë e vendosur në anë të rrugës në lindje të Bagdatit vrau të paktën një polic, kurse një sulm me mortaja vrau një tjetër në qendër të Bagdatit. Të paktën një person u vra nga një sulm në tregun Shorja të kryeqytetit.
Ushtria amerikane njoftoi vdekjen e të paktën shtatë trupave amerikane dje, përfshirë katër që u vranë nga shpërthimi i një makine bombë në perëndim të Bagdatit.
Ushtria tha se një ushtar amerikan u vra nga një shpërthim në provincën Dijala dje, ndërsa një marins u vra në luftime në provincën al-Anbar. Në njoftim thuhet se një tjetër ushtar u vra në një incident jo-luftarak. //ad//