Propozimi i kryenegociatorit ndërkombëtar Martti Ahtisaari për statusin e Kosovës dorëzohet të hënën në Këshillin e Sigurimit të Kombeve të Bashkuara. Me këtë fillon një periudhë e re në procesin e zgjidhjes së çështjes së Kosovës, më saktësisht, përpjekjet për tejkalimin e dallimeve që ekzistojnë ndërmjet pjesës më të madhe të anëtarëve të përhershëm të Këshillit të Sigurimit dhe të Rusisë, e cila nuk është pajtuar me propozimin e zotit Ahtisaari. Propozimi gjithashtu është kundërshtuar prerë nga Beogradi, por është mbështetur nga Prishtina, e cila është e bindur se ai përmbush aspiratat e qytetarëve të Kosovës. //az//
