Presidenti i Ukrainës Viktor Yushchenko paralajmëroi përsëri se do të shpërndajë parlamentin dhe do të çojë vendin në zgjedhje të parakohshme nëse anëtarët e koalicionit nuk respektojnë marrëveshje të arritura më parë dhe shkelin kushtetutën.
Zoti Yushçenko tha në kongresin e partisë së tij sot se nëse puna e shumicës nuk bëhet në bazë të kushtetutës, ai do të nënshkruajë një dekret për shpërndarjen e parlamentit.
Mijëra protestues u mblodhën në qendër të Kijevit në mbështetje të shpërndarjes së parlamentit, ndërkaq mbështetësit e kryeministrit Viktor Yanukoviç gjithashtu dolën në rrugë për të kundërshtuar këtë lëvizje.
Tensioni mes presidentit reformist dhe zotit Yanukoviç është shtuar mbasi zoti Yushçenko e akuzoi kryeministrin për përpjekjet e tij që të bindte ligjvënësit pro- presidentit për të ndërruar qëndrim. Ai thotë se kryeministri ka dhunuar kushtetutën. //rd//