Një gazetar rus, publikoi një video të regjistruar në vitin 1998 në periferi të Moskës, në të cilën tre agjentë të fshehtë rusë, tregojnë se si shefat e tyre u kishin kërkuar të vrisnin, rrëmbenin dhe fusnin në kurth figura të njohura të vendit.
Në video, oficerët e shërbimit të fshehtë rus, mes të cilëve edhe Aleksandër Litvinenko, që vdiq kohët e fundit, thonë se videoja duhej të dilte në publik vetëm në se atyre u ndodhte diçka.
Ish agjenti Litvinenko, i kthyer në një kritik të ashpër të Kremlinit, u helmua vitin e kaluar në Londër me një substancën tepër radioaktive Polonium-210. Autoritetet britanike thanë dje se kanë kërkuar ekstradimin e një ish agjenti tjetër rus, Andrei Luguvoi i akuzuar për helmimin e tij.
Zoti Lugovoi u tha sot gazetarëve në Rusi se ai nuk ka të bëj me helmimin e Litvinenkos. Ai nuk tha në se do të shkojë vetë në Britani për të dalë para gjyqit. Ai tha se ky rast është politikisht i motivuar.
Ndërkohë, organizatorët e festivalit të filmin në Kanë kanë arritur një marrëveshje të minutës së fundit për të pranuar çfaqjen e dokumentarit mbi disidentin rus, Aleksander Litvinenko.
Filmi me titull “Rebelimi: Çështja Litvinenko” është futur në listën zyrtare të filmave në festivalin e Kanës.
Agjencia franceze e lajmeve njofton se filmi do të ketë çfaqje të posaçme të shtunën. Autorët e filmit janë regjisorët rusë Andrei Nekrasov dhe Olga Konskaya. Njoftimet franceze thonë se Nekrasov, një mik i afërt i Litvinenkos, punoi për filmin për rreth dy vjet, dhe ka xhiruar deri në ditët e fundit të jetës së ish agjentit në spitalin londinez në fund të nëntorit.
Filmi afro dy orë i gjatë thuhet se përfshin intervista me ish agjentë rusë të KGB-së dhe thuhet se është mjaft kritik ndaj autoriteteve ruse. //ze//