Rusia riafirmoi atë që e quan solidaritet të vendosur me Serbinë për të ardhmen e Kosovës.
Ministri i Jashtëm rus Sergey Lavrov u tha sot gazetarëve se Rusia nuk do të mbështesë asnjë vendim për Kosovën që nuk mbështetet si nga Serbia ashtu edhe nga shumica shqiptare. Komentet e tij pasuan një takim me homologun serb Vuk Jeremiç në afërsi të Moskës.
Këshilli i Sigurimit është duke studiuar rekomandimet që Kosovës të marrë pavarësi të mbikëqyrur. Nga ana e saj Serbia e konsideron Kosovën qëndër të kulturës dhe historisë së vendit dhe ka premtuar të kundërshtojë çdo përpjekje për ti dhënë Kosovës pavarësinë.
Rusia, anëtare e përhershme e Këshillit të Sigurimit ka kërcënuar ti vërë veton jë rezolute për të ardhmen e Kosovës që injoron pretendimin serb. Presidenti rus Vladimir Putin dhe kryeministri i Serbisë, Vojislav Koshtunica pritet të diskutojnë mbi Kosovën në Shën Petersburg këtë javë, ku do të marrin pjesë në një takim ekonomik të nivelit të lartë.//rd//