Astronautja amerikane Suni Williams theu rekordin për qëndrimin më të gjatë në hapësirë nga një grua. Sot në mëngjes, Uilliams theu rekordin e vendosur në vitin 1996 nga amerikanja Shannon Lucid, kur iu bënë më shumë se 188 ditë e katër orë në hapësirë. Uilliams ka qenë në Stacionin Ndërkombëtar të Hapësirës që nga dhjetori dhe do të kthehet në tokë javën e ardhshme me anijen Atlantis.
Ndërkohë, zyrtarë të agjencisë amerikane të hapësirës, NASA, thonë se një astronaut i anijes së hapësirës, Atlantis, ka përfunduar riparimin e izolantit të nxehtësisë së anijes, që ishte dëmtuar gjatë nisjes se saj javën e kaluar.
Astronauti John Olivas i bëri riparimet gjatë ecjes së katërt në hapësire, që u realizua dje. Ai perdori krahun e gjatë robotik të anijes, për ripairmin dhe fiksimin mbulesës izoluese të saj.
Por dje, zyrtarë të NASA-s thanë se kontrollorët rusë të fluturimeve rifilluan funksionimin e dy sistemeve kompjuterike në Stacionin Orbital Ndërkombetar, pas disa orë ndërprejeje. Një sistem i tretë mbeti i bllokuar javën e kaluar, por administratori i Misionit të NASA-s, tha se zyrtarët kanë një sërë alternativash të tjera, për ta riparuar këtë sistem. //kk//