Dëshmitarë dhe media shtetërore në Pakistan thanë se një sulm me raketë kundër një vendstrehimi të dyshuar të militantëve në afërsi të kufirit afgan vrau të paktën 18 persona.
Sulmi u ndërmor të djelën në Wana, qyteti kryesor në rajonin fisnor në Vaziristanin Jugor ku trupat pakistaneze kanë luftuar kundër luftëtarëve të lidhur me Al-Qaidën dhe Talebanët.
Banorët thanë se kishin dëgjuar disa shpërthime. Ata thanë se sulmi shkatërroi shtëpinë ku dyshohej të fshihej udhëheqësi fisnor i njohur me emrin Noorullah.
Vendi nga është lëshuar raketa është i panjohur.
Zëdhënësi i ushtrisë së Pakistanit Gjeneral majori Athar Abbas tha se një ekip ushtarak është dërguar në zonë për të hetuar shpërthimin. Zyrtarët thanë se forcat e koalicionit në Afganistan nuk kanë komentuar për incidentin. //bsa//