Zyrtarë të policisë në Kosovë thanë se kanë kapur një sasi armësh dhe kanë arrestuar katër veta, shqiptarë të Kosovës gjatë kontrollit të një makine. Policia tha se armët e kapura ku kishte edhe mitralozë, mortaja dore e antiajrorë, u janë dorëzuar trupave të NATO-s. Autoritetet thanë se armët mund të ishin nisur për në Maqedoninë fqinje.
Kosova dhe Maqedonia kanë ngritur grupet e punës dhe kanë nënshkruar një protokoll për rrjedhën e negociatave për përcaktimin e vijës kufitare ndërmjet tyre. Një marrëveshje e nënshkruar në vitin 2001 ndërmjet Shkupi dhe Beogradit i ka lënë 2 mijë e 500 hektarë tokë të Kosovës në territorin e Maqedonisë. Marrëveshja është pranuar nga OKB-ja por është kundërshtuar nga institucionet e Kosovës dhe banorët vendas.
Maqedonia refuzoi javën e kaluar një kërkesë të Beogradit që Serbia të jetë pjesë e negociatave për kufirin, ndërkohë që e ka lidhur këtë çështje me njohjen e pavarësisë së Kosovës. //ii