Udhëheqësit politikë të Kosovës komentojnë për rëndësinë e takimit  me Presidentin Bush

Udhëheqësit politikë në Prishtinë e vlerësojnë lart takimin e Presidentit Fatmir Sejdiu dhe Kryeministrit Hashim Thaçi me Presidentin amerikan Xhorxh Bush. Sipas tyre, ky takim dëshmon për mbështetjen e jashtëzakonshme të qeverisë amerikane në ndërtimin e shtetit të pavarur dhe sovran të Kosovës. Vizita e udhëheqësve të Kosovës në Shtëpinë e Bardhë vlerësohet edhe nga përfaqësuesit politikë të serbëve të Kosovës, të cilët shpresojnë që në fokus të këtij takimi të jetë përmirësimi i jetës për të gjithë qytetarët e Kosovës.