Presidenti Xhorxh Bush nënshkroi sot në Shtepinë
e Bardhë një ligj që synon të ndihmojë rreth 400 mijë pronarë shtepish që
përballen me probleme financiare në pagesat e kredive të marra, si dhe dy
kompanitë më të mëdha huadhënëse amerikane.
Në një deklaratë të Shtepisë së Bardhë thuhet se administrata shpreson që zbatimi i këtij ligji të përmirësojë besimin dhe qëndrueshmërinë e tregjeve dhe të përmirësojë mbikqyrjen e kompanive huadhënëse të sponsorizuara nga qeveria, Fani Mej dhe Fredi Mak.
Ky ligj krijon një fond
prej 300 miliard dollarësh për të mundësuar kredi më të përballueshme për
pronarët e shtepive që kanë probleme financiare. Gjithashtu ligji mundëson
Departamentin e Thesarit që të zgjerojë mbështetjen për dy kompanitë, Fani Mej
dhe Fredi Mak. Këto dy kompani huadhënëse kanë humbur miliarda dollarë si
rezultat i mos pagimit të kredive nga kreditorët.//IB