Ekonomia jo formale në Kosovë mbetet problem për autoritetet e vendit, pasi pengon në vjeljen e taksave nga ky aktivitet, duke rezultuar në të ardhura të pamjaftueshme për financimin e buxhetit. Ekspertë të ekonomisë tërheqin vërejtjen se ushtrimi i dobët i administratës tatimore në ndjekjen e bizneseve, por edhe mos funksionimi i gjyqësorit dhe policisë në luftimin e ekonomisë së fshehtë ndikon në rritjen e ketij sektori, që llogaritet të jetë më i lartë se 30% e Prodhimit të Brendshëm Bruto.