Misioni i Kombeve të Bashkuara në Kosovë ka rihapur sot gjykatën komunale dhe ate të qarkut në pjesën veriore të Mitrovicës të cilat qenë mbyllur disa ditë pas shpalljes së pavarësisë së Kosovës. Gjykatat kanë filluar punën vetëm me gjykatës dhe prokurorë ndërkombëtarë, ndërsa pas dy muajsh planifikohet që puna të vazhdojë edhe me gjykatës e prokurorë vendas.