Në Kosovë, punonjësit e policisë shpresojnë se fundi i
këtij viti do të shënojë një përmirësim të kushteve të punës. Një
marrëveshje e arritur me qeverinë, i shmangu protestat e paralajmëruara
të policëve, të cilëve u është premtuar një rritje e pagave. Pjesëtarët
e këtij shërbimi, që u krijua pas përfundimit të luftës thonë se
përmbushja e disa kërkesave të tyre do të shtonte edhe motivin për punë
dhe përballjen me vështirësitë që paraqet puna e policit.