Në Shqipëri, ministri i Drejtësisë Enkeljd Alibeaj tha se institucioni
i tij mbetet i hapur për çdo propozim që lidhet më reformën në
drejtësi. Duke iu referuar grupeve të sistemit të drejtësisë që kanë
kundërshtuar disa projektligje të propozuara së fundmi, ai tha se nuk
ka marrë vërejtje. Nga ana e tij kreu i delegacionit të komisionit
europian, ambasadori Helmuth Lohan, tha se Brukseli shqetësohet kur
sheh se ekuilibri mes llogaridhënies para ligjit të organeve gjyqësore
dhe pavarësisë së tyre mund të prishet.